சாமுவேல் பட்லர் பொன்மொழிகள்

மிக அற்பமான விஷயங்களைப் பற்றி அதிகமாக அறிந்து கொள்கிறவனே நிபுணன் ஆகிறான்.

செய்யக் கற்றுக்கொள்ளாதே, செய்வதன் மூலம் கற்றுக்கொள்.

வார்த்தைகள் என்பவை, எண்ணங்கள் அணியும் ஆடைகளே.

எந்த முட்டாளும் ஓவியம் தீட்டலாம், ஆனால் அதை விற்கத் தெரிந்தவன் ஞானியே.

நட்பு பணத்தைப் போன்றது; சம்பாதிப்பதைவிட பேணுவது கடினம்.

தர்க்கம் ஒரு வாள் போன்றது - அதைக் கையாள்பவர்கள் அதாலேயே அழிவர்.

ஒவ்வொரு மனிதனின் படைப்பும், அது இலக்கியமோ, இசையோ, ஓவியமோ அல்லது கட்டிடக்கலையோ, எதுவாயினும், அது அவனது சுய உருவப்படமே.

வாழ்வு என்பது, குறைந்த ஆதாரங்களில் இருந்து போதுமான முடிவுகளைக் கண்டடையும் கலை.

வாழ்வு என்பது, பொதுவில் வயலின் வாசித்துப், அதை வாசிக்கக் கற்றுக்கொள்வது போன்றது.

மனிதனைத் தவிர அனைத்து விலங்குகளும், வாழ்வின் முக்கிய நோக்கம் அதை அனுபவிப்பதே என்பதை அறியும்.