ஸ்டீபன் ஹாக்கிங் பொன்மொழிகள்: அறிவியல் மற்றும் அண்டம்

பரிசுகளை வெல்லும் எண்ணத்துடன் இயற்பியல் ஆராய்ச்சியில் யாரும் இறங்குவதில்லை. யாரும் அதுவரை அறியாத ஒன்றைக் கண்டுபிடிக்கும்போது ஏற்படும் அளவற்ற ஆர்வத்தினாலேயே அதை செய்கின்றனர்.

மாற்றத்திற்கு ஏற்ப தகவமைத்துக் கொள்ளும் திறமே அறிவு.

வாழ்க்கை எவ்வளவு கடினமாகத் தோன்றினாலும், உங்களால் செய்யக்கூடியதும், வெற்றி பெறக்கூடியதும் எப்போதும் உண்டு.

ஒருபோதும் உழைப்பைக் கைவிடாதே. உழைப்பு உனக்கு அர்த்தத்தையும் நோக்கத்தையும் தருகிறது. அது இல்லாமல் வாழ்க்கை வெறுமையானது.

வாழ்க்கை வேடிக்கையாக இல்லாவிட்டால், அது துயரமானதாக இருந்திருக்கும்.

இந்த அண்டம் முழுமையை அனுமதிப்பதில்லை.

அமைதியானவர்களுக்குள் ஆழ்ந்த சிந்தனைகள் அடங்கியிருக்கும்.

நான் மரணத்திற்கு பயப்படவில்லை, ஆனால் இறக்க அவசரப்படவும் இல்லை.

அறிவின் மிகப்பெரிய எதிரி அறியாமை அன்று, அறிந்ததாய் தோன்றும் மாயையே.

மாற்றத்திற்கு ஏற்ப தகவமைத்துக் கொள்வதே அறிவுடைமை.

பாலியல் நூல்களை மடோனா விற்றிருப்பதைக் காட்டிலும் இயற்பியல் நூல்களை நான் அதிகமாக விற்றுள்ளேன்.

கடவுளின் மனதை நாம் அறிந்து கொள்ள வேண்டும்.

கடவுள் அண்டத்தைப் படைப்பதற்கு முன் என்ன செய்தார்? என்ற கேள்விக்கு, இத்தகைய வினாக்களைக் கேட்பவர்களுக்காக அவர் நரகத்தைத் தயாரித்துக் கொண்டிருந்தார்.

பாதுகாப்பு உணர்வு என்பது நாம் என்ன வைத்திருக்கவில்லை என்பதை விட மற்றவர்களிடம் என்ன இருக்கிறது என்பதை வைத்து இப்போது மதிப்பிடப்படுகிறது.

தாலமியின் புவிமையக் கோட்பாட்டில் காணப்பட்ட பெரும் நன்மை யாதென்றால் அது நிலையான விண்மீன்களின் கோளத்திற்குப் புறத்தே சொர்க்கத்திற்கும் நரகத்திற்கும் ஏராளமாய் இடம் விட்டு வைத்திருந்தது. அதனால்தான் கிறித்துவ திருச்சபை ஏற்றுக் கொண்டது.

ஒரு மிகச் சாதாரண நட்சத்திரத்தின் மிகச் சிறிய கிரகத்தில் வாழும் சற்றே முன்னேறிய குரங்கினம்தான் நாம்!

பரிசோதனைகளின் முடிவுகள் ஒரு கோட்பாட்டுக்கு எத்தனை முறை ஒத்துப் போனாலும் சரி, அடுத்த முறை அம்முடிவு அக்கோட்பாட்டுடன் முரண்படாது என்பதற்கு உறுதியேதுமில்லை.